houtengerard wrote: Jammer dat zoveel mensen kiezen voor de eigen beleving, in plaats voor het verenigingsgevoel.
Iech dink zjus tot die fout groetendeils bij de club ligk, en neet bij de supporters. M.V.V. zörg d'r door versjèllende zake veur tot supporters ziech neet toes veule binne 't stadion. Zie zien degene die d'r veur mote zörge tot d'r è vereinegingsgeveul kump. Tot veer us allemaol toesveule bij de club.
Dink beveurbeeld aon:
a) De dèks minimaole kunde vaan de lui op kentoer. Wie dèks kump 't neet veur tot supporters gein antwoord kriege op hun vraog, en/of vaan 't keske nao de moer gesjik weure.
b) De suppooste zien de lèste wedstrijde weer flink op dreef. Lui weure behandeld esof ze zwoer crimineel zien en vol zitte mèt bomgordels en handgranate.
c) De beloftes die M.V.V. al jaore deit, um vervolgens eders kier weer trök te valle op ''roeien met de riemen die je hebt''. Lui zien dat zat en wèlle nao al die jaore noe eindelek 'ns de weeg umhoeg. Op 't veld en dao boete.
d) 't Maotsjappelek gedeilte kump väöl lui de stroot oet. M.V.V. smeert gezon boterhamme mèt lui die te zwoer zien, geit wandele mèt bejaorde en nog tig aander veurbeelde, mer de lui die al tientalle jaore trouw de club supportere kriege dao zier wieneg veur trök.
e) Iech höb al dèkser aongegeve tot M.V.V. väöl te gaw alles mèt de supporter wèlt regele via de digitaole weeg. De awwer garde, digibete en lui die get miejer gestèld zien op de privacy (veur zoe wied dee d'r nog is) höbbe dao gein behoofte aon, en haoke dus aof.
