gouwe steerke

Veer zeivere oppe forum bes get aof, deiks wie greeniezers, meh get te wienig sjoen kompleminte...

Now daoveur wil iech dees rebrik starte en aofsjeete met 't ierste gouwe steerke veur:

Veer zien MVV

eigelik verdeene ze e diamante, want zie zien moet goud neet te betaole...!
Höbbe ziech noets laote aofsjrikke, meh inteegedeil; boe aandere "zeike", es beste stuurlui aon wal stoon,
höbbe zie aksie oondernoome, en wie!
Of 't vlagge oetdeile waor veur unne wedstrijd, materiaal bekostige, speulers finansierde ( wie noe Sven)
waore zie oets de groetse en beste sponsor vaan dat jaor...blieve ze bezig. Ongeacht persooneelswisselinge.

Daoveur miene groete daank en mien gouwe steerke veur hun es unne groep luij !

Dat gouwe steerke maag ouch aon 'nne persoen gegeeve weure. en veur miech is dat

Tuutsje.

Oet eige ervaringk kin iech zegke; dees supporter deid manjefiek werrek, daag en nach oppe hartaofdeilingk vaan 't ziekehoes.
Altied klaor um te helpe, oondersteune en gein weik ei ! Kin neet genog gezag weure wieväöl minse door häöm al väöl jaore good gehollepe zien!
en is heer neet mot werrekke, is heer in uzzen tempel te vinde

Dus formum, wee vind Geer dee e gouwe steerke verdeend ? Aon de geng...